Alice in Chains

Alice in Chains
Orixe	Estaos Xuníos
Xéneru(os)	Grunge, metal alternativu y rock alternativu
Sellu discográficu	Columbia Records y EMI
Miembros
Jerry Cantrell, Mike Starr, Mike Inez, Layne Staley, Sean Kinney y William DuVall
Enllaces esternos
Sitiu web oficial	http://www.aliceinchains.com
Discogs	251846
Facebook	aliceinchains
Twitter	AliceInChains
IMDb	nm2750498
[editar datos en Wikidata]

Alice in Chains ye una banda de grunge d'Estaos Xuníos, fundada en 1987 en Seattle. Con un nome que yá en sí mesmu denota un tinte escuru, desempeñando un soníu más pesáu y empobináu al heavy metal que los grupos coetaneos de grunge, anque dientro d'esti movimientu, Alice in Chains llogró remanecer de la escena de Seattle hasta convertise nuna de les bandes más importantes del llamáu rock alternativu, llegando a vender nos Estaos Xuníos unos catorce millones de discos.^[1] Partes de la clave del so ésitu fueron la combinación d'esi sentíu d'indiferencia y crudeza que se-y supón al grunge cola fuercia del metal y un característicu xuegu harmónicu nes voces. Sofitándose na visión tétrica del cantante Layne Staley sobre les drogues y la muerte,^[2] y los acordes metálicos del guitarrista Jerry Cantrell; gracies a eso Alice in Chains asitióse rápido como una de les bandes más aceptaes pol públicu mientres la década de los 90.

Layne Staley finalmente morrió de sobredosis na so casa de Seattle el 5 d'abril de 2002, tres un agónicu letargo de más de 6 años, nos que'l grupu nun pudo realizar actuaciones en direutu polos continuos problemes d'adicción a les drogues del vocalista.^[3]

En 2006 anuncióse la xunta de tolos sos miembros, siendo'l fináu vocalista Layne Staley sustituyíu por William DuVall, ex miembru de Comes with the Fall y la edición d'un nuevu álbum d'estudiu, tituláu Black Gives Way to Blue, que salió a la venta'l 29 de setiembre de 2009. Anguaño'l so más recién álbum tituláu The Devil Put Dinosaurs Here foi llanzáu'l 28 de mayu de 2013, tien un estilu únicu y amás contién elementos de tolos trabayos anteriores.^[4]

1. ↑ «Estadístiques de Alice in Chains: discos d'oru y de platín». Archiváu dende l'orixinal, el 25 de febreru de 2013. Consultáu'l 19 de payares de 2007.
2. ↑ «Biografía - Alice in Chains - 10música.com». Archiváu dende l'orixinal, el 21 d'ochobre de 2007. Consultáu'l 17 de payares de 2007.
3. ↑ «Muerre Layne Staley».
4. ↑ «ALICE IN CHAINS: New Album Title, Release Date Revealed». Blabbermouth.net (11 de xunu de 2009). Archiváu dende l'orixinal, el 14 de xunu de 2009. Consultáu'l 11 de xunu de 2009.